မေးခွန်း-(၁၅)။ သင်သည် ယေရှုခရစ်တော်တည်ထောင်ခဲ့သောအသင်းတော်နှင့် ဘာသာရေး ခေါင်းဆောင်များ တည်ထောင်သောအသင်းတော်များကို ခွဲခြားတတ်ပါသလား။

ယေရှုခရစ်တော်ကိုကိုးကွယ်သူများဖြစ်စေ၊ အခြားဘာသာဝင်များဖြစ်စေ ယေရှုခရစ်တော် တည်ထောင်ခဲ့သော အသင်းတော်နှင့် ဘာသာရေးခေါင်းဆောင်များတည်ထောင်ခဲ့သောအသင်းတော်များအကြောင်းကို ခွဲခွဲခြားခြား သိရှိရန် လိုအပ်ပါသည်။ ထိုအသင်းတော်နှစ်ခုကို မခွဲခြားတတ်ပါက သမ္မာတရားမှ လမ်းလွှဲနေမည် ဖြစ်ပါသည်။

အသင်းတော်ဆိုသည်မှာ ယေရှုခရစ်တော်ကိုလက်ခံယုံကြည်ကိုးကွယ်သော သူများကို ခေါ်ပါသည်။ ထိုသူများကို မြင်ရသော အသင်းတော်ဟုလည်းခေါ်ကြပါသည်။ ယေရှုခရစ်တော်ကို လက်ခံယုံကြည်ကိုးကွယ်သူတိုင်းသည် ခရစ်တော်၏အသင်းတော်သား ဖြစ်ပါသည် (ရှင်မဿဲ ၁၆း၁၆-၁၈၊ ရောမ ၁၆း၁၆-၁၈၊ ၁ ကောရိန္သု ၁၂း၂၇၊ဧဖက်၁း၂၂-၂၃)။

မမြင်ရသောအသင်းတော်ဆိုသည်မှာ ယေရှုခရစ်တော်ကို လက်ခံယုံကြည်သူများ၏နံဝိညာဉ်များကိုခေါ်ကြောင်း သိရပါသည်။ ယေရှုခရစ်တော်သည် အသင်းတော်၏ဦးခေါင်းဖြစ်ပြီး၊ အသင်းတော်သည် သူ၏ကိုယ်ခန္ဓာ ဖြစ်ပါသည်။ ယေရှုခရစ်တော်၌ ဂိုဏ်းဂဏဟူ၍ မရှိပေ။ ဂိုဏ်းဂဏများကို တည်ထောင်သောသူများမှာ ဘာသာရေးခေါင်းဆောင်များ ဖြစ်ပါသည်။  နာမည်ကျော်ဇောမှု၊ ငွေ၊ လူမျိုး နှင့် လွှဲမှားသော ခံယူချက်များကြောင့် ခရစ်တော်၏နာမကို အခြားသော နာမများဖြင့် အစားထိုးကာ ဂိုဏ်းဂဏများကိုတည်ထောင်လာခဲ့ခြင်း ဖြစ်ပါသည်။

ယေရှုခရစ်တော် တည်ထောင်ခဲ့သောအသင်းတော်နှင့် ဘာသာရေး ခေါင်းဆောင်များ တည်ထောင်ခဲ့သော ဂိုဏ်းဂဏ အသင်းတော်များအကြောင်းကို အောက်ပါဇယားဖြင့် အကျဉ်းချုပ် လေ့လာကြပါစို့။

ဂိုဏ်းဂဏများရှိနေခြင်း၏ဆိုးကျိုးများ။ ဂိုဏ်းဂဏများရှိနေခြင်းကြောင့်ခရစ်တော်၏အသင်းတော်ကို ဖြိုကွဲစေခြင်း၊ ခရစ်တော်ဘုရား၏သွန်သင်ခြင်းကို ဆန့်ကျင်နေခြင်း၊ မိသားစုများ၊ ညီအစ်ကိုမောင်နှမများ၊ ရွာသားများ၊ လူမျိုးစုများနှင့် ယုံကြည်သူများသည် စည်းလုံးညီညွတ်ခြင်းကို မရရှိနိုင်သည့်အပြင်၊ခရစ်တော်၏သာသနာအတွက် အတူတစ်ကွ လုပ်ဆောင်ခြင်းကို ဟန့်တားနေပါသည်။

ယေရှုခရစ်တော်သည်- ထာဝရဘုရား ဖြစ်ပါသည်။ သူ၏နာမသည် လူသားများ၏အပြစ်ကို လွတ်ပိုင်သောနာမ၊ လူသားများကို ငရဲသို့ ပစ်ချခံရမည့်အရေးမှ ကယ်တင်သောနာမ၊ လူသားများကို ကာကွယ်စောင့်ရှောက်သောနာမ၊ လူသားများကို အစဉ်ကျွေးမွေးသောနာမ၊ နှစ်ခြင်းခံရမည့်နာမ၊ ဆုတောင်းခံရမည့်နာမ ဖြစ်ပါသည်။ နိဗ္ဗာန်ဘုံနှင့် ငရဲဘုံကိုစီစဉ်သောဘုရား၊  လူတိုင်း၏နံဝိညာဉ်ကို ပေးခဲ့သောဘုရားနှင့်ပိုင်ဆိုင်သောဘုရား ဖြစ်ပါသည်။  သူသည် အသင်းတော်၏ ဦးခေါင်းနှင့်အသင်းတော်၏ပိုင်ရှင် ဖြစ်သည်။

တစ်လုံးတစ်ဝတည်း ညီညွတ်ရန်အချက်များ။ ကယ်တင်ရှင်တစ်ပါးတည်း၊ အသင်းတော်လည်းတစ်ပါးတည်း၊ ယုံကြည်ခြင်း တစ်ပါးတည်း၊ သန့်ရှင်းသောဝိညာဉ်တော်တစ်ပါးတည်း၊ နှစ်ခြင်းတစ်ပါးတည်း၊ ပြုလုပ်ရမည့် ဧဝံဂေလိသာသနာ တစ်ပါးတည်း၊  နောင်ဘဝတွင်ရောက်ရမည့် နိဗ္ဗာန်ဘုံလည်း တစ်နေရာတည်းသာ ရှိပါသည် (ရှင်မဿဲ ၁၆း ၁၈၊ ရှင်ယောဟန် ၁၇း၂၁၊ ရောမ ၁၆း၁၆-၁၇၊ ဧဖက် ၄း၅)။

အကြံပြုချက်များ။ လူမျိုးတိုင်းသည် နောင်တရ၍ လောကဘာသာတရားများမှ လူတိုင်း၏အသက်ကိုပိုင်သော ဘုရားစစ်ထံသို့ ကူးပြောင်းရန် လိုအပ်သကဲ့သို့၊ ခရစ်ယာန်များသည်လည်း လောကီပုံစံဖြစ်သော ဂိုဏ်းဂဏဝါဒ၊ ဂိုဏ်းဂဏ အသင်းတော်များ၊ ဂိုဏ်းချုပ် နှင့် ဂိုဏ်းဂဏသာသနာများကို ဗဟိုပြု၍ အသက်ရှင်နေခြင်းမှ နောင်တရရန် လိုအပ်ပါသည်။ ခရစ်တော်ကို ဗဟိုပြုခြင်း၊ ခရစ်တော်၏အသင်းတော်နာမကို ဝန်ခံခြင်း နှင့်ခရစ်တော်၏သာသနာကို တစ်ညီ တစ်ညွတ် တည်း လုပ်ဆောင်ခြင်းသည် သခင်ဘုရား၏အလိုတော်ကို ဝန်ခံခြင်း ဖြစ်ပါသည်။ 

သင်၏အချိန်၊ သင်၏ဓနဥစ္စာနှင့် သင်၏လုပ်အားများကို ဂိုဏ်းဂဏများ ဆက်လက်တည်ထောင်ခြင်း နှင့် ဂိုဏ်းဂဏ သာသနာများတွင် အသုံးပြုမည့်အစား၊  ခရစ်တော်၏အသင်းတော်နှင့် ခရစ်တော်၏သာသနာ ခေါင်းစဉ် အတွက်သာ အသုံးပြုခြင်းသည် ခရစ်တော်၏သွန်သင်မှုနှင့်ကိုက်ညီကြောင်း တင်ပြလိုပါသည်။

ဂိုဏ်းဂဏပေါင်းစုံနှင့် ဂိုဏ်းဂဏ အသီးသီးဆိုသည့် ဝေါဟာရများအစား၊ ဒေသန္တရအသင်းတော်အသီးသီးဟူ၍ အသုံးပြုပါက ယုံကြည်သူများ၏ညီညွတ်ခြင်းကို ဖြစ်ထွန်းစေမည်ဟု တင်ပြလိုပါသည်။ ဘုရားဘုံထိရောက်မည့် အသင်းတော်နာမသည် ခရစ်တော်တည်ထောင်ခဲ့သောအသင်းတော်၏နာမဖြစ်ပြီး၊ ဘာသာရေးခေါင်းဆောင်များ တည်ထောင်သည့် ဂိုဏ်းဂဏအသင်းတော်နာမများသည် ဤကမ္ဘာနှင့်အတူ ပျောက်ကွယ်သွားလိမ့်မည်ဟု နားလည်ရပါသည်။

မေးခွန်း (၁၅)။ သင်သည် ယေရှုခရစ်တော်နောက်သို့ လိုက်မလား၊ ခရစ်ယာန်ဂိုဏ်းဂဏခေါင်းဆောင်များနောက်သို့ လိုက်မလား။ 

သင်၏အဖြေ။ _________________________________________________________________